.%20%D5%80%D5%85%D4%B4%20%D5%8E%D6%80%D5%A7%D5%AA%D5%BD%D5%BF%D5%A1%D5%B6%D5%AB%20%D5%AF%D5%AF.jpg)
Ընկերներ.
Կենտրօնական Կօմիտէն սրանով յայտարարում է ի գիտութիւն դաշնակցական ընկերներին, թէ Հ. Յ. Դաշնակցութիւնը, որ երբէք տրամադիր չէ վատ դասեր առնելու ուրիշներից, միշտ անխնայ է եղել դէպի յեղափոխական դրօշակը անարգող անհատները եւ առանց վարանումի դուրս է շպրտել այդպիսիներին իր շարքերից: Դա մի հրամայական պահանջ է ամեն մի կազմակերպութեան համար, որ չի կամենում դէպի սնանկութիւն, դէպի ինքնասպանութիւն դիմել:
Դաշնակցական ընկերները ընդհանրապէս եւ զինւորները մասնաւորապէս պէտք է ամեն կերպ խոյս տան արիւնհեղութիւնից, անգամ ամենասուր պրօվօկացիաների հանդէպ, այլ եւ յեղափոխութեան հմայքը եւ հասարակութեան անդորրութիւնը վտանգող ամեն տեսակ արարքներից: Վստահ պիտի լինել միաժամանակ, որ կազմակերպութիւնը գիտէ՝ հարկաւոր դէպքերում՝ պատշաճաւոր եւ իր կանոնաւոր ճանապարհով պատժել այդ օրինակ ժպիրհ գործերի իսկական հեղինակներին, որոնք գալիս են զարթուցանելու նորա իրաւացի զայրոյթը եւ, քանի-քանի անգամներ լինելով, փորձելու նրա երկար համբերութիւնը: